Qurban adına

Qurban adına,
Bir sal yadına.
Sənin oduna, a gülüm,
Yandım bilmədin.
Ömrümün gülü, 
Könlümün gülü
Sevdiyim ili, a gülüm,
Andım, bilmədin.
Gərək biləydin, deyib güləydin.

Qurban adına, bir sal yadına.
Sənin oduna-a, yandım bilmədin.

Yetər qüssə, qəm,
Mən səni hərdən
Könlümə həmdəm, a gülüm,
Sandım, bilmədin.
Nədir bu hicran?
Səni hər zaman,
Əziz, mehriban, a gülüm,
Sandım, bilmədim.
Gərək biləydin, deyib güləydin.

Qurban adına, bir sal yadına.
Sənin oduna-a, yandım bilmədin.

Ellər gözəli,
Səni görəli,
Çiçəyi, gülü, a gülüm,
Dandım, bilmədin.
Ala gözünü,
Şirin sözünü,
Gülər üzünü, a gülüm,
Andım, bilmədin.
Gərək biləydin, deyib güləydin.

Qurban adına, bir sal yadına.
Sənin oduna-a, yandım bilmədin.
Qurban adına, bir sal yadına.
Sənin oduna-a, yandım bilmədin.

Səndən ötəri bir yaz səhəri
Çox gözəlləri, a gülüm, dandım, bilmədin.
Gərək biləydin, deyib güləydin.

İfa: Gülağa Məmmədov, Sevda Ələkpərzadə, İlqar Muradov
Musiqi: Səid Rüstəmov
Sözlər: Süleyman Rüstəm


Gülağa

İlqar

Rast